கௌதம்மேனன் இயக்கத்தில் சூர்யா: ஐங்கரன் இண்டர்நேஷனல் தயாரிக்கிறது

வசந்தபாலன் இயக்கத்தில் வெளிவந்து பெரும் வெற்றி பெற்ற அங்காடித்தெரு உள்பட பல வெற்றி படங்களைத் தயாரித்த நிறுவனம் ஐங்கரன் இண்டர்நேஷனல். தற்போது மீண்டும் படத்தை தயாரிக்க ஆரம்பித்துள்ளது.

இந்நிறுவனம் தயாரித்த பல படங்கள் பெரும் வெற்றி பெற்றன. சிறிது காலமாக அந்நிறுவனம் எந்த புதிய படத்தையும் தயாரிக்காமல் இருந்தது. இந்நிலையில் கௌதம் மேனன் இயக்கத்தில் சூர்யா நடிக்க இருக்கும் புதிய திரைப்படத்தை ஐங்கரன் இண்டர்நேஷனல் நிறுவனம் தயாரிக்க திட்டமிட்டுள்ளது. இதற்கான அதிகாரபூர்வமான அறிவிப்பு விரைவில் வெளியாகும் என்று எதிர்பார்க்கப்படுகிறது.

சூர்யா தற்போது ‘சிங்கம் 2’ படப்பிடிப்பில் பிசியாக இருக்கிறார். அந்தப் படத்திற்கு பிறகு லிங்குசாமி இயக்கும் புதிய படத்தில் நடிக்கிறார். அதன்பிறகே, கௌதம்மேனன் இயக்கும் படத்தில் இணைவார் என தெரிகிறது. இருவரும் இணைந்து ஏற்கெனவே ‘காக்க காக்க’, ‘வாரணம் ஆயிரம்’ ஆகிய வெற்றிப்படங்களை கொடுத்தனர். தற்போது மீண்டும் இணைகின்றனர்.