ஏக தடபுடலாக அறிமுகமாகியிருக்கிறார் விக்ரம்

பிரபு ......அப்படியா செய்கிறார் விக்ரம் பிரபு

ஏக தடபுடலாக அறிமுகமாகியிருக்கிறார் விக்ரம் பிரபு.

 நடிகர் பிரபுவின் மகன் என்பதை விட தமிழ்சினிமாவின் பெரிய வீட்டு பிள்ளை என்பதால் சிறப்பு மரியாதையும் கிடைத்து வருகிறது இவருக்கு. 'கும்கி' படத்தின் மூலம் என்ட்ரி கொடுத்திருக்கும் இவருக்கு அப்படம் வெளிவருதற்கு முன்பே ஏராளமான அழைப்புகள். ஆனால் எல்லாவற்றையும் சற்று தள்ளியே வைத்திருக்கும் அவர், தற்போது நடித்துக் கொண்டிருப்பது 'எங்கேயும் எப்போதும்' சரவணன் இயக்கத்தில் மட்டுமே. இப்படத்தை தயாரிப்பது லிங்குசாமி.

படப்பிடிப்பில் என்ன நடக்கிறது என்பதை விசாரிக்கிற ஆர்வம் நிருபர்களுக்கு இருக்கும்தானே? அப்படி இவரை பற்றி விசாரித்தால் கிடைக்கிற தகவல்கள் அவ்வளவு திருப்தியாக இல்லையாம். இவர் படப்பிடிப்புக்கு வரும்போதே இவருக்கு செக்யூரிடி கொடுக்க சில ஜிம் பாய்ஸ் கூடவே வருகிறார்களாம். அப்படி வருகிறவர்கள் ரசிகர்கள் யாரும் இவரை நெருங்காமல் பார்த்துக் கொள்வதோடு நிறுத்திவிட்டால் பரவாயில்லை. ஷாட் வைக்க சற்று நேரம் தாமதமானால் கூட, 'ஏங்க இவரை நிறைய நேரம் உட்கார வைக்கிறீங்க? ஷாட் வைக்க நேரமாகும்னா முன்னாடியே சொல்றதில்லையா? நீங்க லேட் பண்ணினா நாங்க கிளம்பி போய்கிட்டே இருப்போம்' என்கிறார்களாம்.

 இதுவாவது பரவாயில்லை. சகித்துக் கொள்ளலாம். ஆனால் ஃபைட் சீன்களில் கூட சுறுசுறுப்பு காட்டுவதில்லை விக்ரம் என்கிறது யூனிட்டிலிருந்து வெளிவரும் ரகசிய தகவல்கள். சின்ன சின்ன ட்ஷ்யூம்களுக்கு கூட டூப் வச்சுக்கக் கூடாதா என்கிறார்களாம் விக்ரம் பிரபுவின் கூடவே வரும் அந்த நிழல்கள். இந்த ஜால்ராக்களை ஒழிக்காமல் ஒருபோதும் அவர் சிவாஜியின் பெயரை காப்பாற்ற முடியாது. எதிர்காலத்திலாவது அவர் தன்னை திருத்திக் கொள்ளட்டும் என்கிற முணுமுணுப்பு கேட்கிறது யூனிட்டில். இதையெல்லாம் அப்பா பிரபுவின் பார்வைக்கு கொண்டு போகிற தைரியம் மட்டும் யாருக்கும் இல்லையாம்.

இடிப்பாரில்லா கேமிரா(?) மன்னன் கெடுப்பாரில்லாமல் கெடுவாரய்யா... பார்த்து!