யுவன்ஷங்கர் ராஜா 100 படங்களை 

எட்டிவிட்டாராம்!

பிரபல இசையமைப்பாளர் யுவன் ஷங்கர் ராஜா, வெங்கட் பிரபுவின் பிரியாணி படத்துக்கு இசை அமைத்துள்ளதன்  மூலம் 100 படங்களை எட்டிவிட்டாராம்.

இதைக் கொண்டாடும் விதத்தில் மலேசியாவில் நேரடி இசை நிகழ்ச்சி ஒன்றையும் மிக பிரமாண்டமாக நடத்த திட்டமிட்டு உள்ளாராம்.

     யுவன் தனது 16வது வயதில் நடிகர் சரத்குமார் நடித்த அரவிந்தன் படத்துக்கு இசை அமைத்து தமது இசைப் பயணத்தை துவக்கினார். இதை அடுத்து சூப்பர் குட் பிலிம்ஸ் தயாரிப்பில் புன்னகைப் பூவே மேலும் மவுனம் பேசியதே, பருத்தி வீரன், பில்லா, மங்காத்தா என்று யுவனின் ஹிட் வரிசைகள் நீண்டு கொண்டே போனது.

     தந்தையைப் போலவே மிகக் குறைந்த காலக் கட்டத்தில் இசை அமைத்து தருவதாலும், பின்னணி இசையில் வித்தியாசம் காண்பிப்பதாலும் யுவன் மீது தனிப்பட்ட மரியாத இருக்கிறதாம்.

தற்போது  கோலாலம்பூரில்  டிச.15ம் திகதி இசை நிகழ்ச்சி நடக்க உள்ளதாகவும், இதில் இசைஞானி இளையராஜா சிம்பு, தனுஷ், ஜெயம் ரவி உள்ளிட்ட பல நடிகர் நடிகைகளும் இயக்குனர்களும் கலந்து கொள்ள உள்ளதாகவும் தெரிகிறது.