ஹன்சிகா மோத்வாணி இடத்தைப் பிடித்தார் நயன்தாரா

நயன்தாரா இப்போது பரபரப்பாக நடிப்பதில் தீவிரம் காண்பித்து வருகிறார். நயனிடம் அதிக திகதிகள் இப்போது இருப்பதால், வேகமாகப் படங்களை ஒத்துக் கொண்டு நடிக்கத் துவங்கிவிட்டதாகவும் தெரிகிறது.

ஒரு காலத்தில் த்ரிஷாவின் கால்ஷீட்டுக்காக காவல் கிடந்த இயக்குனர்கள், ஒரு வழியாக திரிஷாவை மறக்கும்படி செய்தது, தமனா, காஜல் அகர்வால் உள்ளிட்ட நடிகைகளின் கால்ஷீட்டுக்கள்தான். அதையும் தவிர ரிச்சா, டாப்சி, ஹன்சிகா போன்ற நடிகைகளும் ஓரளவுக்கு தமிழ் சினிமா ரசிகர்களின் கண்களுக்கு இதமாக காட்சி தர திரிஷா இந்த பட்டியலில் இருந்தே விலகிக் கொள்ளும்படியாகவே அடுத்தடுத்து வரும் படங்கள் இருந்தன.

இப்படி ஓட்டப் பந்தயம் நடந்து கொண்டிருக்கும் வேளையில் ஹன்சிகா மோத்வானிக்கு கூடுதலாகவே மவுசு அதிகரித்துக்  கொண்டேபோனது. அதன் விளைவு நிறைய இயக்குனர்கள் ஹன்சிகாவின் கால்ஷீட்டுக்கு காத்திருக்க ஆரம்பித்தனர். தவிர ஹன்சிகா மோதவாணி டயட் அது இது என்று மவுசை தானாகவே அதிகரிக்கும் படியாக நடந்து கொண்டார். இந்த வேளையில்தான் மறுபடியும் களம் இறங்கினார் நயன்தாரா.

நயன் விறு விறுவென்று படங்கள் ஒத்துக் கொள்ள ஆரம்பிக்க தல அஜீத்துடன் மீண்டும் ஜோடி சேர்வதும் பிளசாக  அமைந்து போனது நயனுக்கு. இப்போது  தயாரிப்பாளர்கள் இயக்குனர்கள், நடிகர்களின் பார்வை ஏகத்துக்கும் நயனின் பக்கம் திரும்ப, ஹன்சிகாவுக்கு காத்திருந்த இயக்குனர்கள் நயனை நோக்கி படை எடுக்கத் துவங்கிவிட்டதாக தெரிவிக்கின்றனர். விளைவு இப்போது நயனின் கையில் 15 க்கும் மேற்பட்ட படங்கள் உள்ளதாம்!

என்னதான் நயன் ரசிகர்களை மறந்து தனி வாழ்வில் சோதனைகளை சந்தித்து விட்டு மீண்டு வந்தாலும் ரசிகர்கள் நயனை மறப்பதாக இல்லை என்பதையே இது காட்டுவதாக இயக்குனர்கள் புகழாரம் சூட்டுகின்றனர் நயனுக்கு!