Suriya and Murugadoss team up for Ghajini 2

 Suriya and Murugadoss team up for Ghajini 2

 

Ghajini was a blockbuster movie that released in 2005 and still considered as one of the best movies for both Suriya and Murugadoss. In a recent launch event, a prominent producerhas appealed that Suriya should do a sequence of the movie with the producer Salem Chandrasekhar.

It is heard that Chandrasekhar has already registered the title with the Producers council and has already made all arrangements to commence the movie. He was waiting for the release of his movie “Killadi” that stars Bharath in the lead role.

Chandrasekhar is yet to hold talks with Suriya. Neither Suriya nor Murugdoss has made any comments on Ghajini 2.

ARR BGM in Maryan

ARRahman BGM in Maryan

3rd teaser for the movie Maryan shows a wonderful background score from AR Rahman. The teaser is available in Youtube and has crossed 34,203 views in 24 hours.

Positive comments for AR Rahman and Dhanush are pouring in. The teaser is 28secounds long and has captured lots of viewers. Loads of fans are waiting for the audio launch. 

Kedi Billa Killadi Ranga Crosses 10 crores

Kedi Billa Killadi Ranga Crosses 10 crores

kedi billa killadi ranga unit is very happy about the 1st week turnaround. The movie hit the screens on March 29th. From March 29 to March 31 the movie has collected 10 crores and April 1ss was having packed houses for the movie.

Total number of videos for the movie is 8000 in Youtube. It is a comedy entertainer with Sivakarthikeyan, Bindhu Madhavi, Regina Cassandra, Vimal. Pandiraj is the director of the film.

Thalapathi Rajini's Best

Thalapathi  Rajini's Best  

Thalapathi was one of the best movies for Rajinikanth. The movie resembles friendship between Mammootty and Rajini.  It is an action packed movie directed by Mani ratnam.

The Movie was launched in the year 1991. Ilayaraja composed music for the film and it was a major hit.

Aravind samy played a major role in the movie and the movie emerged as a critical and commercial success.

21.6 crores were spent to create this movie. IMDB rating is 7.9/10 and Youtube carries 21100 videos for the movie.

கவுதம் மேனனுக்கு படம் திருப்பதி பிரதர்ஸ் திட்டம்

கடலுக்குள் இருக்கும் போது கம்பீரமாக இருந்த திமிங்கலம் கரை ஒதுங்கிய பிறகு காக்காவுக்கும் பூனைக்கும் கூட டிபனாக மாறிவிடுவதை பார்த்தால் லேசாக மனசில் ஷாக் அடிக்கும். அப்படி தன் கம்பீரத்தை இழந்த படைப்பாளியாகிவிட்டார் மணிரத்னம். இந்த நேரத்தில் இழந்த நஷ்டத்தை மீட்பதற்காக அவரை போலீஸ், கோர்ட் என்று கொண்டு வந்து நிறுத்தவும் துடிக்கிறார்கள் பணத்தை போட்டு ஏமாந்தவர்கள்.

'நானெல்லாம் மணி சார் படத்தை பார்த்து சினிமாவுக்கு வந்தவன். அவர்ட்ட பணத்தை திருப்பி கேட்க மாட்டேன்' என்று மூன்று ஏரியாவில் பணம் போட்டு முதலுக்கே மோசமான லிங்குசாமி சொல்கிறார் என்றால், அதுதான் ஒரு படைப்பாளி இன்னொரு படைப்பாளிக்கு தருகிற மரியாதை.

போகிற போக்கை பார்த்தால் 'மரியாதை ராமன்' என்று பட்டம் கொடுக்கிற அளவுக்கு அவரது செயல் இன்னும் இன்னும் மேலோங்கி நிற்கிறது. 

அதற்கு இன்னொரு காரணத்தையும் சொல்கிறார்கள் கோடம்பாக்கத்தில். சூர்யா கால்ஷீட்டை யார் வாங்குவது என்பதில் பலத்த போட்டி. நேரடியாக களத்தில் இறங்கி போராடிய லிங்குசாமி, அந்த விஷயத்தில் கவுதமை வென்றது தனிக்கதை.இதில் அப்செட்டாகி இருந்த கவுதமுக்கு தனது நிறுவனம் தயாரிக்கும் படம் ஒன்றை இயக்க சொல்லி கேட்டிருக்கிறாராம் 

லிங்கு. ஒரே நேரத்தில் ஐந்து படங்களை தயாரிக்கவிருக்கும் திருப்பதி பிரதர்ஸ் நிறுவனம், அதில் ஒரு படத்தைதான் இயக்க சொல்லி கேட்டிருக்கிறது கவுதம் மேனனிடம்.

ரஜினி & கே.வி.ஆனந்த் படம்

தனது மகள் இயக்கத்தில் வெளிவரவிருக்கும் 'கோச்சடையான்' ரிலீஸ் வரைக்கும் தனது அடுத்த படத்தை பற்றி பேச வேண்டாம் என்று கூறிவிட்டார் ரஜினி. இதனால் ரஜினியின் அடுத்த படத்தின் இயக்குனர் என்று இந்த வினாடி வரைக்கும் நம்பப்படும் கே.வி.ஆனந்த் அதை உறுதிப்படுத்த முடியாமல் மழுப்பலாகவே பதில் சொல்லிக் கொண்டிருக்கிறார் மீடியாவுக்கு.

ஆனால் கோச்சடையானை தயாரிக்கும் ஈராஸ் பட நிறுவனம், அடுத்ததாகவும் ரஜினியை ஹீரோவாக வைத்து ஒரு படம் தயாரிப்பதாகவும்,

அதை கே.வி.ஆனந்த் இயக்குவதாகவும் தனது மேனேஜர் மூலம் அறிவித்துவிட்டது. ரஜினியின் கருத்தை மீறி இப்படியொரு அறிவிப்பு வர என்ன காரணம்? வேறொன்றுமில்லை, ஷேர் மார்க்கெட்டில் இந்நிறுவனத்தின் பங்குகள் உயர்வதற்காக செய்யப்பட்ட யுக்திதான் இது என்கிறார்கள். 

உங்க 'காளை-- கரடி' ஆட்டத்தில் சிவனேன்னு இருக்கிற முரட்டுக்காளைக்கு மூச்சு முட்ட வைக்கிறீங்களேப்பா...

 

பரதேசி படம் மார்ச் 15-ம் தேதி உலகெங்கும் வெளியாகிறது

பாலா படங்களில் பெஸ்ட் இதுதான் என பலரும் பாராட்டி வரும் பரதேசி படம் வரும் மார்ச் 15-ம் தேதி உலகெங்கும் வெளியாகிறது. இந்தப் படத்தின் வெளியீடு குறித்து பல்வேறு தேதிகளை யூகமாகக் கூறி வந்த பாலாவும் அவரது குழுவினரும் இப்போது அதிகாரப்பூர்வமாக அறிவித்துள்ளனர்.

 

பரதேசி படத்தை முதலில் பிவிபி நிறுவனம் தயாரித்தது. ஆனால் பட்ஜெட் எகிறியதால் பாலாவே, பி ஸ்டுடியோஸ் எனும் பேனரில் தயாரிக்கிறார். ஜீவி பிரகாஷ் இசையமைத்துள்ளார்.

மறைந்த முரளியின் மகன் அதர்வா, வேதிகா, தன்ஷிகா மற்றும் பலர் நடிக்கும் இந்தப் படம் ரெட் டீ என்ற நாவலைத் தழுவி எடுக்கப்பட்டுள்ளது. 1930களில் தேயிலைத் தோட்டத் தொழிலாளர்கள் வாழ்க்கையை மையப்படுத்தி உருவாக்கப்பட்டுள்ளது. படத்தைப் பார்த்த இயக்குநர்கள் பாலு மகேந்திரா, மணிரத்னம், அனுராக் காஷ்யப் போன்றவர்கள் படத்தைப் பாராட்டியுள்ளனர்.

 

இந்த நிலையில், படத்தை கேன்ஸ் திரைப்பட விழாவுக்கு அனுப்பி வைத்துள்ளார் இயக்குநர் பாலா. இதனால் பட வெளியீட்டை தள்ளி வைத்திருந்தார்.

 இப்போது வரும் மார்ச் 15-ம் தேதி படத்தை வெளியிடவிருப்பதாக அறிவித்துள்ளார் பாலா. படத்தின் இசையமைப்பாளர் ஜிவி பிரகாஷ் குமார் தனது ட்விட்டரில் இதனைத் தெரிவித்துள்ளார்.

ஜேஎஸ்கே பிலிம்ஸ் சதீஷ்குமார் இந்தப் படத்தின் வெளியீட்டு உரிமையைப் பெற்றுள்ளார்.

 

கமலுக்கு அட்வைஸ் செய்த ரஜினிகாந்த்

 ரஜினி, கமல் இருவரும் ஆரம்ப காலத்தில் இருந்தே சினிமாவில் ஒன்றாக நடித்தவர்கள். அதையடுத்து அவர்கள் வெவ்வேறு பாதைகளில் பயணித்தாலும், அவர்களுக்கிடையிலான நட்பு என்பது மாறாமலேயே இருந்து வருகிறது. அதை நிரூபிக்கும் வகையில், சமீபத்தில் விஸ்வரூபம் படத்துக்கு அரசு சார்பில் தடை விதிக்கப்பட்டபோது, 

முதல் ஆளாக அதற்கு குரல் கொடுத்தவர் ரஜினிதான். அதன்பிறகுதான் மற்ற திரையுலகினர் ஆதரவு கொடுத்தனர். அதையடுத்து, படம் வெளியாகி 200 கோடி வரை வசூலை ஈட்டியிருப்பதாக செய்திகள் வெளியாகி வருகின்றன.

ஆனால் இந்த சூழ்நிலையிலும், தான் குடியிருக்கும் வீட்டை தனியாரிடம் அடகு வைத்திருந்த கமல், அதை மீண்டு மீண்டும் வங்கியில் அடமானம் வைத்தார். இதனால் விஸ்வரூபம்தான் நன்றாக ஓடிக்கொண்டிருக்கிறதே. இந்த நேரத்தில் அதற்காக மீண்டும் வீட்டை அடகு வைக்க வேண்டும் என்று கமலின் அபிமானிகள் பலருக்கு கேள்வி எழுந்தது. அதேகேள்வி ரஜினிக்கும் எழுந்திருக்கிறது. 

அதனால் சமீபத்தில் கமலை சந்தித்த அவர், படத்தில் கிடைத்த வருமானத்தைக்கொண்டு, அடமானம் வைத்த வீடு மற்றும் சொத்துக்களை மீட்டு பிள்ளைகளின் பெயரில் எழுதி வையுங்கள். இனிமேல் இதுபோன்று வீட்டை அடமானம் வைத்து படம் எடுத்ததையெல்லாம் வெளியில் சொல்ல வேண்டாம். உங்களுக்கு செட்டாகக்கூடிய தயாரிப்பாளர் யாரைவது வைத்து இனி படம் இயக்குங்கள் என்றும் கமலை உரிமையோடு கேட்டுக்கொண்டாராம் ரஜினி.

ரஜினியின் அன்பான அட்வைஸ்க்கு கமல் செவி சாய்ப்பாரா? என்பதை பொறுத்திருந்து பார்ப்போம்

ரஜினி அரசியலுக்கு வர்றது ஆண்டவன் கையில் இருக்கு- கே.எஸ்.ரவிக்குமார் 

ரஜினி நடித்த முத்து, படையப்பா உள்ளிட்ட படங்களை இயக்கியவர் கே.எஸ்.ரவிக்குமார். அடுத்தபடியாக ரஜினியை வைத்து ராணா என்ற பிரமாண்ட படத்தை இயக்க தயாரானார். ஆனால், அந்த நேரம்பார்த்து ரஜினிக்கு திடீர் உடல்நலக்குறைவு ஏற்பட்டதால் அந்த படம் டிராப் செய்யப்பட்டது. 

அதையடுத்து ரஜினி ரிஸ்க்கான காட்சிகளில் நடிக்கக்கூடாது என்று மருத்துவர்கள் கண்டிசன் போட்டதால், பின்னர் மகள் செளந்தர்யா இயக்கத்தில் கோச்சடையான் என்ற அனிமேசன் படத்தில் நடித்துள்ளார். இந்த படத்தில் மேற்பார்வை இயக்குனராக பணியாற்றிய ரவிக்குமார், அடுத்தபடியாக ராணா படத்தை இயக்க வாய்ப்பிருப்பதாக அறிவித்திருக்கிறார்.

இந்த நிலையில், ரஜினியின் அரசியல் பிரவேசம் குறித்து கேட்கப்பட்ட ஒரு கேள்விக்கு பதிலளிக்கையில், ரஜினி சாரை இரண்டு மூன்று நாளைக்கு ஒருமுறையாவது தொடர்பு கொண்டு பேசி விடுவேன். அந்த அளவுக்கு எங்களுக்குள் நெருக்கம் இருக்கிறது. ஆனால் அப்போதெல்லாம் அரசியல் குறித்து ஒருபோதும் அவர் பேசினதில்லை. அதனால் அவர் அரசியலுக்கு வருவது ஆண்டவன் கையில்தான் இருக்கு. 

மேலும், யாராக இருந்தாலும் நிர்ப்பந்தம் என்று ஒன்று வருகிறபோதுதான் அரசியலுக்கு வருவார்கள். அப்படியொரு நிலை வந்தால் மட்டுமே ரஜினி அரசியலுக்கு வருவதை யாரும் தடுக்க முடியாது என்கிறார் ரவிக்குமார்

பிரியாணி படப்பிடிப்பு டிராப்

அஜீத் நடித்த மங்காத்தா படத்தை இயக்கிய வெங்கட்பிரபு, அதையடுத்து இப்போது கார்த்தியை வைத்து பிரியாணி என்ற படத்தை இயக்கி வந்தார். ஆனால் ஆரம்பத்தில் கார்த்தியிடம் மொத்த கால்சீட்டாக 80 நாட்களை வாங்கியவர், அடிக்கடி படப்பிடிப்புக்கு லீவு விட்டதோடு, பல நாட்கள் கார்த்தியை ஸ்பாட்டில் சும்மாவே உட்கார வைத்து வீட்டுக்கு அனுப்பியிருக்கிறார். இதனால் நாட்கள்தான் வீணாய் போனதேயொழிய படம் வளர்ந்த பாடில்லையாம்.

அதேபோல், ஹன்சிகாவிடமும் மொத்த கால்சீட்டாக வாங்கியவர், இதுவரை ஒரு பாடல் காட்சியும், சில காட்சிகளையும் மட்டுமே படமாக்கியிருக்கிறாராம். இதனால் டஜன் படங்களை கைவசம் வைத்திருக்கும் ஹன்சிகா, அடுத்தபடியாக வேறு படங்களில் நடிப்பதற்கு தான் செல்லப்போவதாக கூறி வருகிறாராம். இதைப்பார்த்து, கடுப்பான கார்த்தி, இப்போது ராஜேஷ் இயக்கும் ஆல்இன்ஆல் அழகுராஜா படத்துக்கு கால்சீட் கொடுத்து நடிக்கத் தொடங்கி விட்டாராம்.

இதனால் கலவரமடைந்திருக்கிறார் வெங்கட்பிரபு. இதையடுத்து, படத்தை தயாரிக்கும் ஞானவேல்ராஜா யூனிட்டை தொடர்பு கொண்டு அவர் கேட்டபோது, இப்போதைக்கு டிராப் என்று முகத்தில் அடித்தார் போல் சொல்லிவிட்டார்களாம். இதனால் நான் என்ன தப்பு செய்தேன், எதற்காக இப்படி செய்தீர்கள் என்று வெள்ளந்தியாய் கேட்டுக்கொண்டு நிற்கிறாராம் வெங்கட்பிரபு. ஆனால் அவருக்கு பதில கொடுக்க யாரும் தயாராக இல்லையாம்.

ஆஸ்தான டைரக்டரிடம் டென்சன் காட்டி வரும் அமலாபால்

வீரசேகரன் படத்தில் அறிமுகமான அமலாபால், அதையடுத்து சிந்து சமவெளி என்ற படத்தில் காமக்கொடூர நடிகையாக அவதரித்தார். அதன் பின்னர் மைனா அவருக்கு கைகொடுத்ததால் நல்ல நடிகை என்ற முத்திரை விழுந்தது. 

அதையடுத்து, மார்க்கெட்டை கெட்டியாக பிடித்துக்கொண்ட அவர், தெய்வத்திருமகள், காதலில் சொதப்புவது எப்படி போன்ற சில படங்களுக்குப்பிறகு, சமுத்திரகனி இயக்கத்தில் ஜெயம்ரவிக்கு ஜோடியாக நிமிர்ந்து நில் என்ற படத்தில் நடித்து வந்தார். அந்த நேரம் பார்த்து அவரே எதிர்பாராத வகையில் அவரது அபிமானத்துக்குரிய டைரக்டர் விஜய் இயக்கும் தலைவா படத்தில் இளையதளபதி விஜய்க்கு ஜோடியாக நடிக்கும் அரிய வாய்ப்பினை பெற்றார்.

அமலாபாலின் கேரியரில் தலைவா மிக முக்கியமான படம் என்பதால், தெலுங்கு படங்களுக்கு கொடுத்திருந்த கால்சீட்டைகூட அட்ஜஸ்ட் பண்ணி வாங்கி தலைவாவில் கமிட்டானார். இதனால் திடுதிப்பென்று விஜய்யுடன் அமலாபால் ஜோடி சேர்ந்ததால் கோலிவுட்டின் முன்னணி நடிகைகளெல்லாம் ஆச்சரியமாய் அவரை பார்த்தனர். 

ஆனால் அந்த ஆச்சர்யம் ரொம்ப நாள் நீடிக்கவில்லை. இப்போது அதே படத்தில் முக்கிய நாயகியாக பாலிவுட் நடிகை ராகினி நடிப்பதாக செய்திகள் வந்துள்ளன. இதனால் அதிர்ச்சியில் உறைந்து போயிருக்கிறார் அமலாபால். ஆனால், இந்த நேரத்தில் அவரது கோலிவுட் அபிமானிகள் ஆளாளுக்கு போன் போட்டு, அப்படியா சங்கதி? இன்னொரு நடிகையும் இந்த படத்தில் இருக்கிறாராமே? என்று அமலாவுக்கு போன்போட்டு துக்கம் விசாரிப்பது போல விசாரிக்கிறார்களாம். 

இதனால் சில தினங்களாக ஏதோ பேசி சமாளித்து வந்த நடிகை, இப்போது தனது போனையே சுவிட் ஆப் செய்து விட்டாராம். அதோடு, தனது ஆஸ்தான டைரக்டரான விஜய்யிடமும் இப்போது முகம் கொடுத்தே பேசாமல் விலகிய நிற்கிறாராம் அமலாபால்.

இறுதிக் கட்டத்தில் தலைவா… படப்பிடிப்புக்கு ஆஸ்திரேலிய செல்லும் இளைய தளபதி

தன் ரசிகர்களைத் தவிர, மற்றவர்களும்கூட தன்னை தலைவா என்றழைக்க என்ன வழி என்று ரூம் போட்டு யோசித்து, தன் படத்துக்கு தலைப்பு வைத்த விஜய் அன்ட் கோ, படத்தை முடிக்கும் வேலைகளில் படுபிஸியாக உள்ளது.

இப்போது படத்தின் இறுதிக் கட்ட படப்பிடிப்புக்காக ஆஸ்திரேலியா செல்லவிருக்கிறார்கள். 

ஏ எல்.விஜய் இயக்கும் இந்தப் படத்தின் முதல் கட்டப் படப்பிடிப்பு மும்பையில் நடந்தது. அமலா பாலுடன் விஜய் டூயட் பாடும் காட்சிகள் ஸ்பெயினில் படமாக்கப்பட்டன. பின்னர் மீண்டும் மும்பைக்கே திரும்பிய படக்குழு அங்கு வைத்து விஜய் – மும்பை நடிகை ராகினி நந்த்வானி நடிக்கும் காட்சிகளைப் படமாக்கினர். 

இறுதிக்கட்ட படப்பிடிப்புக்காக வரும் 15ம் தேதி ஆஸ்திரேலியா செல்கிறது படக்குழு. அங்கு ஒரு மாதத்திற்கு மேலாக படப்பிடிப்பு நடக்க இருக்கிறது. ஏப்ரல் கடைசி வாரத்தில் படப்பிடிப்பை முடித்துக் கொண்டு படக்குழு ஆஸ்திரேலியாவிலிருந்து இந்தியாவிற்கு திரும்புகிறது. ஜி.வி.பிரகாஷ் குமார் இசையில் பாடல்கள் ஏற்கெனவே பதிவு செய்யப்பட்டுவிட்டன. 

இறுதிக்கட்டப் படப்பிடிப்பு முடிந்ததும் இசை வெளியீட்டுத் தேதி அறிவிக்கப்படுகிறது.

சினிமா வாய்ப்பு தருவதாக என் பெயரில் மோசடி: டைரக்டர் சசிகுமார் அறிக்கை

சினிமா டைரக்டர் எம்.சசிகுமார் இன்று வெளியிட்டுள்ள அறிக்கையில் கூறியிருப்ப தாவது:-

“சினிமா என்கிற பிரமாண்ட உலகை நோக்கி ஆர்வத்தோடு வருகிறவர்களின் எண்ணிக்கை நாளுக்கு நாள் அதிகரித்து வருகிறது. இது வரவேற்கத்தக்கத்துதான். ஆனாலும், எப்படியாவது சினிமாவில் நுழைந்துவிட வேண்டும் என்கிற ஆவலில் தவறான ஆட்களை நம்பி சிலர் ஏமாந்துவிடுவது வருத்தமளிக்கிறது.

சமீபத்தில் என் பெயரைச் சொல்லி சிலர் சினிமா வாய்ப்புத் தருவதாக சிலரைத் தொடர்பு கொண்டு பேசி இருக்கிறார்கள். எப்போதுமே என்னுடைய படங்களுக்கு ஆட்களைத் தேர்வு செய்யும்போது நேரடியாக என் கம்பெனிக்கே அழைத்துப் பேசுவதுதான் வழக்கம்.

போனிலோ, இமெயில் மூலமாகவோ தொடர்பு கொள்ளும் வழக்கம் கிடையாது. என் பெயரில் போலி இமெயில் முகவரிகளையும், பேஸ்புக், டுவிட்டர் கணக்குகளையும் சிலர் ஆரம்பித் திருக்கிறார்கள். இதுநாள் வரை சமூக வலைத்தளங்கள் எவற்றிலுமே நான் இல்லை.

அதனால், வலைத்தளத் தகவல்களையோ இமெயில்களை வைத்தோ என் படத்தில் நடிக்க வாய்ப்பு கொடுப்பதாகச் சொல்லப்படுவதை யாரும் நம்ப வேண்டாம். குறிப்பாக, சினிமாவை நோக்கி வரும் பெண்கள் இந்த விஷயத்தில் மிகுந்த கவனத்தோடு இருக்க வேண்டும்.

காரணம், சினிமா உலகம் எந்தளவுக்கு அழகானதோ… அதே அளவுக்கு ஆபத்தானதும்கூட! என்னுடைய பெயரை வைத்தே சிலர் ஏமாற்று வலை விரிப்பது எனக்கு மிகுந்த வருத்தத்தையும் அதிர்ச்சியையும் அளிக்கிறது.

ஏற்கனவே நான் சில நடிகைகளுக்கு என் படத்தில் நடிக்க வாய்ப்பு கொடுக்க இருப்பதாக சிலர் தவறான தகவல்களைப் பரப்பினார்கள். 

அப்போதே இதுகுறித்து நான் போலீசில் புகார் தெரிவித்தேன். தவறான தகவலைப் பரப்பியவர் மீது அப்போது உரிய நடவடிக்கை எடுக்கப்பட்டது.

இப்போது மறுபடியும் கிளம்பி இருக்கும் இந்த மாதிரியான சர்ச்சைகள் குறித்து செய்திகள் வெளியாகி வருகின்றன. அத்தகைய மோசடிகளில் ஒருபோதும் சிக்கிக் கொள்ளாதீர்கள்.

இவ்வாறு அறிக்கையில் குறிப்பிட்டுள்ளார்

 

சூப்பர் ஸ்டாரின் கோச்சடையான் ஜூலையில் வெளியாகும் – தயாரிப்பாளர் அதிகாரப்பூர்வ அறிவிப்பு

 ரசிகர்கள் பெரும் ஆவலுடன் எதிர்ப்பார்க்கும் படமான ரஜினியின் கோச்சடையான் வரும் ஜூலை மாதம் வெளியாகும் என படத்தின் தயாரிப்பாளர் டாக்டர் முரளி மனோகர் அறிவித்துள்ளார். சூப்பர் ஸ்டார் ரஜினிகாந்த் – தீபிகா படுகோன் ஜோடியாக நடிக்க, அவர்களுடன் சரத்குமார், ஜாக்கி ஷெராப் உள்ளிட்ட இந்திய திரையுலகின் முக்கிய நட்சத்திரங்கள் கைகோர்த்துள்ள படம் கோச்சடையான். அவதார் படம் போல, 3 டியில் மோஷன் கேப்சரிங் தொழில்நுட்பத்தில் தயாராகி வருகிறது. 

 இந்திய சினிமாவில் இந்த தொழில்நுட்பத்தில் வரும் முதல் படம் இது. 3டி வசதி இல்லாத அரங்குகளுக்காக 2டியிலும் இந்தப் படம் வருகிறது. லண்டன், கேரளா மற்றும் சென்னை ஸ்டுடியோக்களில் இதன் படப்பிடிப்பு நடந்து முடிந்தது. போஸ்ட் புரொடக்ஷன் பணிகள் முழு வீச்சில் நடந்து வருகின்றன. ஆனால் படம் வெளியாகும் தேதி குறித்து உறுதியாக எதுவும் அறிவிக்கப்படாமல் இருந்தது. 

மேலும் இந்தப் படம் தொடர்பாக இதுவரை இரண்டு ஸ்டில்கள் மட்டுமே வெளியாகியுள்ளன. மற்றதெல்லாம் பிரஸ்மீட் ஸ்டில்கள்தான். தமிழ், ஆங்கிலம், இந்தி, ஜப்பான் மற்றும் தெலுங்கில் வெளியாகும் கோச்சடையான், வெளியீட்டுத் தேதி குறித்து தயாரிப்பாளர் டாக்டர் முரளி மனோகர் கூறுகையில், “படத்தில் அறிமுகப்படுத்தப்படும் புதிய தொழில்நுட்பங்கள் கணிசமாக நேரம் எடுக்கின்றன.

தி அவெஞ்சர்ஸ் படத்துக்கு 3 டி மற்றும் அதற்கான ஸ்டீரியோ டி ஒலி தொழில் நுட்பத்தைக் கொடுத்த ஹாலிவுட் குழுவினர் இந்தியா வந்து கோச்சடையானுக்கு, அதே தொழில்நுட்பங்களைச் செய்து வருகின்றனர். தாமதத்துக்கு இது ஒரு முக்கிய காரணம். சூப்பர் ஸ்டார் ரஜினிகாந்த் எப்போதுமே தன்னைப் பற்றியோ தன் படங்கள் பற்றியோ பெரிதாக புகழ மாட்டார். 

அடுத்தவர்கள் சொன்னாலும் அமைதியாக இருந்துவிடுவார்.

ஆனால் அவரே படத்தைப் பார்த்து வியந்தார். இயக்குநர் ரவிக்குமாரும் நினைத்ததை விட 10 மடங்கு பிரமாதமாக வந்திருப்பதாகப் பாராட்டினார். இந்தப் படம் திரைக்கு வரும்போது, இன்னும் மேம்பட்ட வடிவில் இருக்கும். அதற்கான வேலைகள் வேகமாக நடக்கின்றன. ரஜினி சார் சாதாரண ஹீரோ அல்ல. இந்திய சினிமாவில் வேறு எவர் படங்களுக்கும் இல்லாத முக்கியத்துவம் அவரது படங்களுக்கு மட்டுமே உண்டு. இதையெல்லாம் விட முக்கியம், 

ரஜினி சார் உடல்நிலை சரியான பிறகு வரும் முதல் படம் கோச்சடையான்தான். எனவே அவரது ரசிகர்களின் எதிர்ப்பார்ப்பு எப்படி இருக்கும் என்பது புரிந்து, அதையெல்லாம் ஈடுகட்டும் வகையில் இந்தப் படம் உருவாக்கப்பட்டுள்ளது. இந்தப் படத்தின் பட்ஜெட் ரூ 100 கோடி. இந்தப் படத்துக்கு அதைவிட அதிகம் செலவு செய்தாலும் நியாயம்தான். ஜப்பானில் ரிலீஸ் செய்யும் உரிமை பற்றி பேசிக் கொண்டிருக்கிறோம். 

இந்தியாவில் இந்தப் படத்துக்கான விலை இன்னும் நிர்ணயிக்கப்படவில்லை,” என்றார்.பட வெளியீட்டுத் தேதி குறித்துப் பேசியுள்ள முரளி மனோகர், “ஜூலை மாதம் வெளியிடுவது பொருத்தமாக இருக்கும் என நம்புகிறோம். ஏப்ரலுக்குள் போஸ்ட் புரொடக்ஷன் வேலைகள் முடிந்துவிடும். 

இதுகுறித்த அனைத்து முடிவுகளையும் எடுக்கும் உரிமையை ஸ்டுடியோ டி நிறுவனத்திடமே விட்டுவிட்டோம் (போஸ்ட் புரொடக்ஷன் பொறுப்பேற்றுள்ள நிறுவனம்). படத்தின் நீளம் 2 மணி 5 நிமிடங்கள் கொண்டதாக இருக்கும்,” என்றார். இத்தாலிய, ப்ரெஞ்ச் மொழிகளிலும் கோச்சடையான் வெளியாகப் போகிறது.

அஜீத் படத் தலைப்பு ‘வலை’

விஷ்ணு வர்தன் நடிப்பில் கடந்த 6 மாதங்களாக உருவாகி வரும் அஜீத் படத்துக்கு வலை என்ற தலைப்பு இன்று உறுதி செய்யப்பட்டது. இதுகுறித்த புதிய டிசைன்கள் மற்றும் போஸ்டர்கள் இன்று வெளியாகியுள்ளன. அஜீத் – நயன்தாரா, ஆர்யா – டாப்ஸி நடிக்கும் இந்தப் படத்தை ஏஎம் ரத்னம் தயாரிக்கிறார். 

இந்தப் படம் தொடங்கப்பட்டதிலிருந்து அதன் தலைப்பை ரகசியமாக வைத்திருந்தனர். காரணம், பெயரை முதலிலேயே அறிவித்துவிட்டால், ரசிகர்கள் ஆர்வத்தில் அந்தப் பெயரில் பேஸ்புக், இணையதளங்களில் புதிய சைட்கள் தொடங்கிவிடுகிறார்களாம். 

இதைத் தவிர்க்கவே பெயரை வெளியில் சொல்லாமல் இருந்தனர். இந்த நிலையில் இன்று படத்தின் போஸ்டர் மற்றும் டிசைன் வெளியாகியுள்ளது. மங்காத்தா ஹேர் ஸ்டைலில், டுகாட்டி பைக்கில் அமர்ந்தபடி அஜீத் போஸ் கொடுக்கும் இந்த போஸ்டரில், வலை என்று படத்தின் தலைப்பு டிசைன் செய்யப்பட்டுள்ளது. அஜீத்தின் ஆஸ்தான இசையமைப்பாளராகிவிட்ட யுவன் சங்கர் ராஜா இசமையமைத்துள்ளார். விரைவில் படத்தின் இசை வெளியீட்டை நடத்தவிருக்கிறார்கள்.

விஸ்வரூபத்துக்கு தியேட்டர் தர விடாமல் தடுத்தது யார்?

டெல்லி: விஸ்வரூபம் படத்துக்கு தியேட்டர்கள் தரக்கூடாது என தடுத்தவர்கள் யார் என்ற விசாரணை அறிக்கை விரைவில் வெளியிடப் போவதாக இந்திய போட்டி ஆணையம் (The Competition Commission of India) அறிவித்துள்ளது. கமல்ஹாஸன் தனது விஸ்வரூபம் படத்தை தியேட்டர்களில் வெளியாகும் முன்பு டிடிஎச்சில் வெளியிடப் போவதாக அறிவித்தார். இதனால் கோபமடைந்த திரையரங்கு உரிமையாளர்கள், அந்தப் படத்தை எந்தத் தியேட்டரிலும் வெளியாக அனுமதிக்க மாட்டோம். அரங்குகள் தரமாட்டோம் என்றனர். இது தனது வியாபாரம் செய்யும் உரிமையை தடுக்கும் செயல் என்று கமல்ஹாஸன் புகார் தெரிவித்தார். 

இந்திய போட்டி ஆணையத்திடம் எழுத்து மூலமாக புகாரும் கொடுத்தார். அத்துடன் திரையரங்க உரிமையாளர் சங்கம் வெளியிட்ட தீர்மான நகலையும் இணைத்திருந்தார். அதில் டிடிஎச் அல்லது வேறு தொழில்நுட்பத்தில் வெளியாகும் எந்தப் படங்களுக்கும் ஒத்துழைப்பில்லை என்று குறிப்பிட்டிருந்தது. இதுகுறித்து போட்டி ஆணையம் திரையரங்கு உரிமையாளர்களிடம் விளக்கம் கேட்டு நோட்டீஸ் அனுப்பியது.

மேலும், திரையரங்க உரிமையாளர் அமைப்பின் தீர்மானம் தொழில் செய்யும் உரிமைக்கு விரோதமானதாக போட்டி ஆணையம் கருதியது. எனவே இதில் கமல்ஹாஸனின் குற்றச்சாட்டுகளுக்கு அடிப்படை முகாந்திரம் உள்ளதாகக் கருதுவதால், டைரக்டர் ஜெனரல் தலைமையில் விசாரணை நடத்தி 60 நாட்களுக்குள் அறிக்கை தர உத்தரவிடப்பட்டது. ஆனால் இந்தப் புகாரைக் கொடுத்த சில தினங்களில் திரையரங்க உரிமையாளர்களுடன் சமாதானமாகிவிட்டார் கமல்ஹாஸன்.

‘நாங்கள் அண்ணன் தம்பிகள், மாமன் மச்சான்கள்… நாங்கள் இப்படித்தான் அடிக்கடி உரிமையாய் சண்டை போட்டுக் கொள்வோம்.. பிறகு கூடிக் கொள்வோம். இது என்னுடைய குடும்பம்,’ என்று கூறினார். அவர்களும் 500 ப்ளஸ் அரங்குகளை இந்தப் படத்துக்கு ஒதுக்கிக் கொடுத்தனர். ஆனால் அந்த புகாரை மட்டும் கமல் வாபஸ் பெறவில்லை! இப்போது அந்தப் புகார் மீதான விசாரணை அறிக்கையை விரைவில் வெளியிடப் போவதாகவும், சம்பந்தப்பட்டவர்கள் மீது நடவடிக்கை எடுக்கவும் வாய்ப்புள்ளதாகவும் கூறப்படுகிறது.

துப்பாக்கி 2ஆம் பாகம் கிடையாது – முருகதாஸ்

துப்பாக்கி 2ஆம் பாகம் இப்போதைக்கு இல்லை என தெ‌ரிவித்துள்ளார் ஏ.ஆர்.முருகதாஸ்.

அ‌ஜீத்தை வைத்து படம் இயக்க எப்போதும் தயாராக இருக்கிறேன் என்று முருகதாஸ் கூறியதற்கு அ‌‌ஜீத் தரப்பிலிருந்து பாஸிடிவான சமிக்ஞை வரவில்லை. இதனால் தனது பார்வையை மீண்டும் விஜய் பக்கம் திருப்பியுள்ளார்.

துப்பாக்கியை பிஸ்டல் என்ற பெய‌ரில் இந்தியில் முருகதாஸ் இயக்குகிறார். அக்சய் குமார் ஹீரோ. இந்தப் படத்துக்குப் பிறகு அவர் விஜய்யை இயக்குகிறார். ஆனால் அது துப்பாக்கியின் இரண்டாம் பாகமாக இருக்காது என அவர் தெ‌ரிவித்துள்ளார்.

தற்போது தலைவா படத்தில் நடித்து வரும் விஜய் அடுத்து நேசன் இயக்கத்தில் ‌ஜில்லா படத்தில் நடிக்க உள்ளார். அதனையடுத்து முருகதாஸ் இயக்கத்தில் நடிக்கிறார்.

விஜய்க்கு இன்னும் ஒரு நாயகி…

இயக்குநர் விஜய் – நடிகர் விஜய் கை கைகோர்த்துள்ள தலைவா படத்தில் மேலும் ஒரு நாயகியை புதிதாக சேர்த்துள்ளனர். அவர் ராகினி நந்வானி. டேராடூன் டைரி படத்திலும் சில டிவி தொடர்களிலும் நடித்தவர்.

இந்த திடீர் சேர்க்கையால் படத்தின் முதல் நாயகி அமலா பால் டென்ஷனாகியுள்ளாராம். இயக்குனர் விஜய் இயக்கத்தில் நடிகர் விஜய் நடித்து வரும் படம் தலைவா. இப்படத்தின் படப்பிடிப்பு கடந்த இரண்டு மாதங்களாக மும்பையில் நடந்து வருகிறது. விஜய்யுடன் அமலாபால், பொன்வண்ணன் உள்பட பலர் முன்னணி நடிகர்கள் நடித்து வருகிறார்கள்.

ஆரம்பத்தில் இந்தக் கதையில் ஒரே ஒரு ஹீரோயின்தானாம். ஆனால் கதையில் லேசான மாற்றம் செய்து, மும்பை செல்லும் விஜய் அங்கும் ஒரு பெண்ணை காதலிப்பது போல மாற்றியுள்ளார்களாம்.

இந்த வேடத்துக்குதான் ராகினி நந்வானி என்ற மும்பை நாயகியை ஒப்பந்தம் செய்துள்ளனர். விஜய்க்குப் பிடித்த நாயகியாக இந்த ராகினி தேர்வாகியுள்ளது, அமலா பாலை டென்ஷனாக்கியுள்ளது. தமது காட்சிகள் குறைக்கப்பட்டு விடுமோ என்பதால் இந்த டென்ஷனாம்!

என் வாழ்க்கையில் கோச்சடையான் ஒரு மைல் கல்லாக அமையும், மிக பிரமாதமாக வந்திருக்கிறது! – சூப்பர் ஸ்டார்

என் வாழ்க்கையில் கோச்சடையான் ஒரு மைல்கல்லாக அமையும் என்று சூப்பர் ஸ்டார் ரஜினிகாந்த் தெரிவித்துள்ளார்.இன்று படத்தைப் பார்த்த பிறகு, இவ்வாறு அவர் பாராட்டியுள்ளார்.

ஈராஸ் இன்டர்நேஷனல் வழங்க மீடியா ஒன் க்ளோபல் என்டர்டெயின்மென்ட் மிக பிரம்மாண்டமாக தயாரிக்கும் படம் தான் “கோச்சடையான் “.
சூப்பர் ஸ்டார் ரஜினிகாந்த், சரத்குமார்,தீபிகா படுகோன், ஜாக்கி ஷேரோப், ஆதி, நாசர், ஷோபனா,ருக்மினி ஆகியோர் நடிக்கும் கோச்சடையான் படத்தின் படப்பிடிப்பு கடந்த ஆண்டு (2012) மார்ச் மாதம் 19 ஆம் தேதியன்று லண்டனின் பைன்வுட் ஸ்டுடியோவில் துவங்கி 25 நாட்கள் நடைபெற்றது.

பிறகு ஏப்ரல்,மே மாதங்களில் சில நாட்கள் திருவனந்தபுரத்தில் இதன் படப்பிடிப்பு தொடர்ந்து அத்துடன் முழுப்படப்பிடிப்பும் முடிவடைந்தது.ஜேம்ஸ்பாண்ட், ஹாரிபாட்டர்,அயன் மென், ஆகிய படங்களின் படப்பிடிப்பு நடந்த லண்டன் பைன்வுட் ஸ்டுடியோவில் கோச்சடையான் படத்தின் படப்பிடிப்பும் நடைபெற்றது என்பது குறிப்பிடத்தக்கது.

பிரபல ஆங்கில படங்களான “அவதார்”, “டின் டின்” ஆகிய படங்களில் கையாண்ட மோஷன் கேப்சரிங் டெக்னாலஜி முறை சூப்பர் ஸ்டார் ரஜினிகாந்த் நடிக்கும் கோச்சடையான் படத்திலும் பயன்படுத்தப்பட்டுள்ளது.

கலை-வேலு,
நடனம்-சரோஜ்கான், சின்னிபிரகாஷ், ராஜுசுந்தரம்,
உடைகள் வடிவமைப்பு – நீத்தா லுல்லா,
சண்டைபயிற்சி – மிராக்கிள் மைக்கேல்,
படத்தொகுப்பு – ஆன்டனி,
ஒலிப்பதிவு – ரஸுல் பூக்குட்டி,
தயாரிப்பு மேற்பார்வை – உதயக்குமார்,
பாடல்கள் – கவிஞர் வாலி , கவியரசு வைரமுத்து ,
கிரியேட்டிவ் கன்சல்டன்ட் – R. மாதேஷ் ,
இசை – இசைப்புயல் A.R.ரஹ்மான்,
கதை திரைக்கதை வசனம் – K.S. ரவிக்குமார் ,
இயக்கம் – சௌந்தர்யா R அஷ்வின் .

கடந்த சில மாதங்களாக லண்டன், சென்னை ஆகிய இடங்களில் கோச்சடையான் படத்தின் போஸ்ட் புரோடக்க்ஷன் பணிகள் நடைபெற்று முடிந்தது.
இன்று காலை “கோச்சடையான்” முழுப்படத்தை சூப்பர் ஸ்டார் ரஜினிகாந்த் , கதாசிரியர் கேஎஸ் ரவிக்குமார் இருவரும் பார்த்து விட்டு வியந்த வண்ணம் உள்ளனர்.

கோச்சடையான் படத்தின் கதாசிரியரான கேஎஸ் ரவிக்குமார் அவர்கள் கூறியதாவது, “நான் நினைத்ததை விட பத்து மடங்கு பிரம்மாண்டமாக வந்துள்ளது” என்றார்.

சூப்பர் ஸ்டார் ரஜினிகாந்த் படத்தை பார்த்து விட்டு “என் வாழ்க்கையில் கோச்சடையான் ஒரு மைல் கல்லாக அமையும் , மிக பிரமாதமாக வந்திருக்கிறது “ என்று தன் மகளும் கோச்சடையான் படத்தின் இயக்குனருமான சௌந்தர்யா R அஷ்வின் அவர்களை வெகுவாக பாராட்டினார்.

தமிழ், தெலுங்கு , இந்தி ஆங்கிலம், ஆகிய மொழிகளில் தயாராகும் கோச்சடையான் படத்தின் இறுதிக்கட்ட வேலைகளான டப்பிங், ரீரிகார்டிங், ஸ்பெஷல் எபெக்ட்ஸ் , ஆகிய பணிகளை மார்ச் மாதம் 15ஆம் தேதி துவங்கி ஒரே நேரத்தில் மூன்று பிரிவுகளாக லாஸ் ஏஞ்சல்ஸ், லண்டன், ஹாங்காங் ஆகிய இடங்களில் பணியாற்ற திட்டமிட்டுள்ளனர் .

கோச்சடையான் படத்தின் இறுதிக்கட்ட வேலைகள் வேகமாக நடை பெற்று வருகிறது.

ஆடு மேய்க்க ரொம்பவும் சிரமப்பட்டேன்: கார்த்திகா

பழைய நடிகை ராதாவின் மூத்த மகள் கார்த்திகா. இவர் ‘கோ’ படத்தின் மூலம் தமிழ் சினிமாவுக்கு கதாநாயகியாக அறிமுகமானார். தற்போது இயக்குனர் பாரதிராஜா இயக்கத்தில் ‘அன்னக்கொடியும், கொடி வீரனும்’ படத்தில் நடித்து வருகிறார். இப்படத்தில் ஆடு மேய்க்கும் பெண்ணாக நடித்துள்ள, கார்த்திகா, ஆடு மேய்த்த அனுபவம் குறித்து கூறும்போது,

இப்படத்தில் நடிக்க ஒப்பந்தமானதும், ஆடுகளுடன் பழக்கம் இருக்கிறதா என கேட்டனர். ஆனால், நான் ஆடுகளை தொட்டுக்கூட பார்த்தது இல்லை எனக் கூறினேன். இதற்கு பின், ஆடு மேய்க்கும் சிலரை அழைத்து எனக்கு பயிற்சி கொடுத்தனர். ஆடுகளை எப்படி மந்தையாக அழைத்துச் செல்வது, விசில் அடித்து, ஆடுகளுக்கு எப்படி சைகை கொடுப்பது என, அவர்களிடம் கற்றுக் கொண்டேன்.

இந்த படத்தை பொறுத்தவரை, நடிப்பு பயிற்சி பெற்றதை விட, ஆடு மேய்க்கும் பயிற்சிக்காகதான், ரொம்பவும்  சிரமப்பட்டேன். அந்த சிரமத்துக்கு, படம் வெளியானதும், பலன் கிடைக்கும் என்ற நம்பிக்கை உள்ளது.

சிறந்த நடிகர், நடிகை பிருதிவிராஜ், ரீமாவுக்கு கேரள அரசு விருது

சிறந்த நடிகர், நடிகைகளுக்கான கேரள அரசு விருதுகள் அறிவிக்கப்பட்டு உள்ளன. சிறந்த நடிகர் விருது பிருதிவிராஜுக்கு கிடைத்துள்ளது. ‘செல்லுலாய்டு’ படத்தில் சிறப்பான நடிப்பை வெளிப்படுத்தியதற்காக இவ்விருது கிடைத்துள்ளது. சிறந்த நடிகை விருதை ரீமாகல்லிங்கல் பெற்றுள்ளார். '22 பிமெல்கோட்டயம்' என்ற படத்தில் நடித்தற்காக இவ்விருது கிடைத்துள்ளது.

சிறந்த படமாக ‘செல்லு லாய்டு’ படம் தேர்வாகியுள்ளது. சிறந்த நகைச்சுவை நடிகருக்கான விருது சலீம் குமாருக்கு கிடைத்துள்ளது. சிறந்த பாடகராக விஜய் ஜேசுதாஸ், சிறந்த பாடகிய சித்தாரா தேர்வாகியுள்ளனர். எம்.ஜெயச்சந்திரன் சிறந்த இசையமைப்பாளருக்கான விருதை பெற்றுள்ளார். விருது பெற்றது குறித்து பிருதிவிராஜ் கூறியதாவது:-

கேரள அரசிடம் இருந்து சிறந்த நடிகருக்கான விருதை பெறுவது மகிழ்ச்சி அளிக்கிறது. இந்த விருதை என்னுடன் படத்தில் வேலை பார்த்த அனைவருக்கும் சமர்ப்பிக்கிறேன். இயக்குன ரால்தான் நான் சிறப்பாக நடிக்க முடிந்தது. கதையும் நன்றாக இருந்தது. திரைக்கு பின்னால் நிறைய பேர் உழைத்து இருக்கிறார்கள். நான் சந்தோஷமாக இருக்கிறேன்.

இவ்வாறு அவர் கூறினார்.

ஏற்கனவே 2006-ல் 'வாஸ்தவம்' படத்தில் நடித்ததற்காகவும் பிருதிவிராஜ் கேரள அரசிடம் இருந்து சிறந்த நடிகருக்கான விருதை பெற்றார்.

ஹன்சிகாவின் "பேவரைட் 

"ஒரு கல் ஒரு கண்ணாடிக்கு  முன் வரை கிடைத்த படங்களில் நடித்து வந்த ஹன்சிகா, இப்போது பிடித்த படங்களில் மட்டுமே நடிப்பது என்ற முடிவில் உள்ளார்.  குறிப்பாக, அலசி ஆராய்ந்தே கதைகளை ஓ.கே., செய்பவர்,

  அப்படங்களில் தன்னுடன் நடிக்கும் சக நடிகர், நடிகைகளும் ஒத்துழைப்பு தருபவர்களாக இருக்க வேண்டும்  என்பதையும் கருத்தில் கொண்டே, படங்களில் நடிப்பது பற்றி முடிவு செய்கிறார். முக்கியமாக, டான்ஸ் மாஸ்டர் விஷயத்தில் கூடுதலான  கவனம் செலுத்துகிறார் ஹன்சிகா. தன் பாடி லாங்குவேஜ்க்கு  பொருத்தமான, நடன அசைவுகளை வெளிப்படுத்தக்கூடிய சில டான்ஸ் மாஸ்டர்களுக்கு, தன் சார்பில் சிபாரிசும் செய்கிறார்.

 அப்படி ஹன்சிகாவின்  அபிமானத்திற்குரிய டான்ஸ் மாஸ்டர் என்ற பட்டியலில், முதல் இடத்தில் இருப்பவர் பிருந்தா. ஹன்சிகா நடித்த அதிகபட்ச படங்களின் பாடல்களுக்கு நடனம் அமைத்துள்ள இவர் தான், அவரது சமீபத்திய பேவரிட் நடன மாஸ்டராம்.

ஷாரூக்குடன் குத்தாட்டம் ஆடிய பிரியாமணி

ஷாரூக் கான், தீபிகா படுகோனே நடிக்கும் ‘சென்னை எக்ஸ்பிரஸ்’ படத்தில் ஒரு பாடலுக்கு நடனமாடுகிறார் பிரியாமணி.

இதற்கான படப்பிடிப்பு நேற்று புனே அருகில் நடைபெற்றது. இரவு முழுவதும் நடைபெற்ற இந்த படப்பிடிப்பில் பிரியாமணி, ஷாரூக்குடன் குத்துப் பாட்டு ஒன்றுக்கு நடனமாடியுள்ளார்.

வட இந்தியாவைச் சேர்ந்த ஷாரூக், தமிழ்ப் பெண்ணான தீபிகாவைக் காதலிப்பதுதான் படத்தின் கதை.

பல முன்னணி நடிகைகளைக் கேட்டு அவர்கள் மறுத்த பின், பிரியாமணி ஒரு பாடலுக்கு மட்டும் நடனமாட சம்மதித்துள்ளார். இன்னும் சில நாட்கள் இப்படப்பிடிப்பு நடைபெற இருக்கிறது.

விஸ்வரூபம் – விரும்பி பார்க்கும் யுஎஸ் ரசிகர்கள்

 உலகம் முழுவதும் வெளிநாடுகளில் திரையிடப்பட்ட விஸ்வரூபம்’ படத்திற்கு நல்ல வரவேற்பு கிடைத்து வருகிறது.

அமெரிக்கா, இங்கிலாந்து போன்ற நாடுகளில் நான்கு வாரங்களைக் கடந்தும் வெற்றிகரமாக ஓடிக் கொண்டிருக்கிறது.

அமெரிக்காவில் முதலில் பெரிய நகரங்களில் திரையிடப்பட்ட இப்படம் வாரம் வாரம் பல நகரங்களில் திரையிடப்பட்டு வருகிறது. பல ஊரிலிருந்து வரும் வேண்டுகோளுக்கிணங்க வினியோகஸ்தர்கள் படத்தை திரையிட்டு வருகிறார்கள்.

இந்த வாரமும் திரையிட்டால் ஐந்தாவது வாரமாக வெற்றிகரமாக திரையிடப்படும் படமாக அமையும். பொதுவாக தமிழ்ப் படங்கள் ஒரு ‘வீக் என்ட்’ என்று சொல்லக் கூடிய வார இறுதி நாட்களில் ஒரு சில காட்சிகள் மட்டுமே திரையிடப்படுவது வழக்கம்.

இதை விஸ்வரூபம் வெற்றிகரமாக முறியடித்து வருகிறது. யுஎஸ்ஸில் மட்டும இதுவரை 6 கோடிக்கும் அதிகமாக வசூல் செய்து   சாதனை படைத்து வருகிறது.

வித்யாபாலனைப் போலவும் நடிக்கத் தயார்-நயன்தாரா

வித்யாபாலனைப் போலவும் நடிக்கத் தயார்-நயன்தாரா 

சொந்த வாழ்க்கையில் ஏற்பட்ட சில சர்ச்சைகளுக்கு பின், வெற்றிகரமாக, தன் இரண்டாவது இன்னிங்சை துவக்கியுள்ள, நயன்தாரா, சமீபத்தில் தெலுங்கில் வெளியான, "கிருஷ்ணம் வந்தே ஜகத்குரும் என்ற படத்தை, பெரிதும் நம்பியிருந்தார். இந்த படத்தின் மூலம், தெலுங்கில், உச்சத்துக்கு போய் விடலாம் என,  நினைத்திருந்தார். ஆனால், படம்,  ஊற்றிக் கொண்டது மட்டுமல்லாமல், இதில், நயன்தாராவின் நடிப்பு, அவ்வளவாக,  ரசிகர்களை ஈர்க்கவில்லை.  விமர்சனங்களும், நயனுக்கு எதிராகவே வந்தன.  இதனால், கவலையடைந்துள்ளார், அவர். "என்னுடைய திரையுலக வாழ்க்கையை, ஏதாவது ஒரு படத்தை வைத்து, முடிவு செய்வது சரியல்ல. பல படங்கள், இன்னும் கைவசம் உள்ளன. அவை அனைத்துமே, நல்ல கதையம்சம் உடைய படங்கள். அந்த படங்கள் வெளியான பின் பாருங்கள். தெலுங்கிலும், தமிழிலும், மீண்டும் பிரபலமாகி விடுவேன் என, நம்பிக்கையுடன் கூறுகிறார், நயன்தாரா.

 

 விஷ்ணுவர்த்தன் இயக்கத்தில், அஜீத், ஆர்யா, டாப்சி நடிக்கும் புதிய படத்தில், ஹீரோயினாக நடித்து வருகிறார், நயன். இந்த படத்தில், நயன்தாரா, நீச்சல் உடையில் நடிப்பதாக வதந்திகள் வெளியாகின. இதைப் பார்த்ததும், நயனுக்கு டென்ஷன் எகிறி விட்டதாம். "யார் தான், இப்படி புளுகு மூட்டைகளை அவிழ்த்து  விடுகிறார்களோ, தெரியவில்லை. ஏற்கனவே சில படங்களில் நீச்சல் உடையில் நடித்தேன். இதற்கு பின், அது தவறு என்பதை உணர்ந்து கொண்டேன். எனவே, மீண்டும் ஒருமுறை அந்த தப்பை செய்ய மாட்டேன். இந்த படத்தில், எனக்கு கிளாமரான வேடம் என்றாலும், நீச்சல் உடை போன்ற காட்சிகள் எதுவும் இல்லை என்கிறாராம், நயன்தாரா.

இந்தியில் வித்யாபாலன் நடித்த கஹானி படத்தின் தமிழ் ரீ-மேக்கில் நயன்தாரா கமிட்டாகியுள்ளார். இந்த வேடத்தில் நடிக்க ஆரம்பத்தில் அனுஷ்கா, ஹன்சிகா உள்ளிட்ட சில நடிகைகள் தீவிர முயற்சி எடுத்தனர். ஆனால், சமீபகாலமாக நயன்தாரா நடிப்பில் சிறந்து விளங்குவதால், அவருக்கு அந்த வேடம் பொருத்தமாக இருக்கும். அவரால்தான் வித்யாபாலன் நடித்த கதாபாத்திரத்தை நிறைவு செய்ய முடியும் என்று மற்ற நடிகைகளை ஓரங்கட்டிவிட்டு நயனை கமிட் பண்ணியிருக்கிறார்கள்.

இந்த நிலையில், வித்யாபாலன் நடித்த வேடத்தில் நடிப்பது பற்றி கூறும் நயன்தாரா, அவர் நடித்த வேடத்தில் நடிப்பது ரொம்ப சவாலான விசயம். அதனால் நல்லமுறையில் ஹோம்ஒர்க் செய்து அந்த வேடத்தில் நடிக்கப்போகிறேன் என்றும் சொல்லும் நயன்தாரா, சிலர் எதிர்காலத்தில் வித்யாபாலன் நடிப்பது போல் முத்தக்காட்சி, குளியல் காட்சி போன்றும் நடிப்பீர்களா? என்று கேட்கிறார்கள். என்னைப்பொறுத்தவரை கிளாமராக நடிக்க வேண்டும் என்பதில் தற்போது உடன்பாடில்லை. இருப்பினும், அந்த கதைக்கு அப்படி நடித்தால்தான் சரியாக இருக்கும் என்று இயக்குனர்கள் எனக்கு தெளிவுபடுத்தும்போது தவிர்க்க மாட்டேன். வித்யாபாலன்கூட அப்படி எல்லா படத்திலும் நடித்திருக்க மாட்டார். அவசியப்பட்ட படங்களில்தான் நடித்திருப்பார். அதனால் அவர் போன்று தேவைப்பட்டால் நானும் நடிப்பேன். அதில் எந்தவித ஆட்சேபனையும் இல்லை என்கிறார் நயன்தாரா

சந்தானம் லொள்ளு சபா கூட்டம் உடைந்தது.. காரணம் என்ன?

 

நடிகர் சந்தானம் லொள்ளு சபா என்ற சின்னத்திரை நிகழ்ச்சியில் இருந்து சினிமாவுக்கு வந்தவர். தனது மன்மதன் படத்துக்கு சரியான காமெடியன் வேண்டுமென்று தேடி வந்த சிம்பு, லொள்ளு சபா நிகழ்ச்சியை தற்செயலாக பார்த்தபோது, சந்தானத்தின் நடிப்பு அவரை பாதித்திருக்கிறது. அதனால் உடனே அவரை அழைத்து தனது படத்துக்கு ஒப்பந்தம் செய்திருக்கிறார். அப்போது, பெரிய காமெடியன் யாரையாவது நடிக்க வைக்கலாம்.

இதுமாதிரி புதுமுக நடிகர்களை வைத்து ரிஸ்க் எடுக்க வேண்டாம் என்று மன்மதன் யூனிட் நபர்கள் சிம்புவை தடுத்தார்களாம். ஆனால், இந்த பையனின் நடிப்பு நன்றாக இருக்கிறது. கண்டிப்பாக இவன் ஒரு பெரிய ரவுண்டு வருவான் என்று அடித்து சொல்லி சந்தானத்தை அறிமுகம் செய்திருக்கிறார் சிம்பு.

அவர் சொன்ன வாய் முகூர்த்தம் இப்போது முன்னணி காமெடியனாகி விட்டார் சந்தானம். ஆனால் அவர் இந்த அளவுக்கு வளருவதற்கு அவரது லொள்ளு சபா காமெடி டீமும் முக்கிய காரணம். அவர்கள்தான் இவருக்காக திரைக்குப்பின்னால் இருந்து ஸ்கிரிப்ட் எழுதி வந்தவர்கள். ஆனால் கண்ணா லட்டு தின்ன ஆசையா படத்துக்குப்பிறகு அந்த டீமுக்கும், சந்தானத்துக்குமிடையே விரிசல் விழுந்துள்ளது.

அதனால் லொள்ளு சபா டீமில் இருந்த 12 பேர்களில் இப்போது 9 பேர் தனியே பிரிந்து வந்து விட்டனர். வெறும் 3 பேர் மட்டும் சந்தானத்தின் டீமில் இருக்கிறார்கள. அப்படி சந்தானத்திடமிருந்து பிரிந்து வந்த 9 பேரும் சேர்ந்து இப்போது பெட்ரமாஸ்க் லைட்டே வேணுங்களா என்றொரு காமெடி படத்துக்கு ஸ்கிரிப்ட் எழுதும் பணியில் ஈடுபட்டுள்ளனர். இதையடுத்து 3 பேர்களை மட்டுமே தக்க வைத்துள்ள சந்தானம், மேலும் தனது காமெடி இலாகாவுக்கு நல்ல காமெடி ரைட்டர்களை தேடும் பணியில் ஈடுபட்டுள்ளார்.

பவர் ஸ்டார் சீனிவாசன் “ஐ” படத்திற்கு பின்னர் கேட்ட சம்பளம் எவ்வளவு தெரியுமா?

 

கண்ணா லட்டு தின்ன ஆசையா படத்தில் நடித்துள்ள பவர் ஸ்டார் சீனிவாசனின் மார்க்கெட் தற்போது உச்சத்தில் இருந்து வருகிறது. அவர் நடித்தால் அந்த படம் கண்டிப்பாக வெற்றி பெற்று விடும் என்று யூகித்து ஆளாலுக்கு அவரை புக் பண்ணி வருகிறார்கள்.

இதனால் ஒரு காலத்தில் பணம் கொடுத்து நடித்து வந்த பவர், இப்போது ஒரு நாள் கால்சீட்டுக்கே 2 முதல் 3 லட்சம் வரை சம்பளம் பேசி நடித்து வருகிறார். காமெடி வேடங்களில் நடிப்பதற்கே பல படங்கள் க்யூவில் நிற்பதால், தற்காலிகமாக ஹீரோவாக நடிப்பதைகூட தள்ளி வைத்துள்ளார் பவர்ஸ்டார்.

இந்த நிலையில், ஷங்கரின் ஐ படத்தில் ஒரு ரோபோ வேடத்தில் நடித்து வரும் பவர், அந்த படம் வெளிவந்தால், இப்போது 3 லட்சமாக இருக்கும் சம்பளத்தை ஐந்து லட்சமாக்கி விடுவேன் என்று அதிரடியாக அறிவித்துள்ளார். அதுவும் ஐ படத்தில் அவர் படம் முழுக்க வரவில்லையாம்.

ஒரு ஐந்து நிமிடம் மட்டுமே அவர் நடிக்கிற ரோபோ வேடம் வருகிறதாம். அப்படியொரு கேரக்டரை முன்வைத்தே இப்படி பேசுகிறார் பவர். ஆனால் ஒருவேளை அவர் மார்க்கெட் இருக்கிற ரேஞ்சைப்பார்த்தால், அவர் சொன்னதையும் செய்வார், சொல்லாததையும செய்வார் என்று நினைக்கும் படாதிபதிகள், முன்கூட்டியே அவரை புக் பண்ணி வைத்து விடும் வேலைகளிலும் தீவிரமடைந்திருக்கிறார்கள். பவருக்கு வந்திருக்கும் இந்த மவுசைப்பார்த்து கோலிவுட்டின் ஏனைய காமெடி நடிகர்கள் ஆச்சரியத்தில் உறைந்துபோய் நிற்கிறார்கள்.

எந்நேரமும் கிளுகிளுப்பு கொடுக்கும் நயன்

நயன்தாராவின் வாழ்வில் நடந்த சில கசப்பான சம்பவங்கள் மட்டுமின்றி, தெலுங்கில் சீதை வேடத்தில் நடித்த வேடமும் அவரது கலர்புல் தோற்றத்தை மங்கச்செய்து விட்டன.

அதோடு, தனக்கிருந்த வெறுப்பு காரணமாக, பொலிவிழந்து காணப்பட்ட நயன், மேட்சிங் இல்லாத டிரஸ்களையே அணிந்து வந்தார். இதனால் அவரது பளபள தோற்றத்தை காண வேண்டும் என்று ஆவலுடன் இருந்த இளவட்ட நடிகர்கள், முகம் சுழிக்கத் தொடங்கினர்.

ஆனால் இந்த விசயத்தை கண்காணித்து வந்த நயனின் உதவி பெண் ஒருவர், இதுகுறித்து ஒருநாள் அவரது காதில் ஓதியிருக்கிறார். அதிலிருந்து உஷாராகிடி விட்டார் நயன்தாரா.

இப்போதெல்லாம் எந்தவொரு படப்பிடிப்பு தளத்துக்கு வந்தாலும், கிளுகிளு உடையணிந்து சிக்கென்று வருகிறார். முக்கியமாக மேக்கப் இல்லாத முகம் கருத்துப்போயிருக்கும் என்பதால், மேக்கப்மேனை வீட்டுக்கே வரவழைத்து வீட்டிலிருந்தே மேக்கப் போட்டபடி என்ட்ரி கொடுக்கிறார்.

இதனால் நயன்தாராவின் முகவெட்டும், உடல்கட்டு சுண்டியிழுக்கும் வகையில் இருக்கிறது. அதனால், அவர் காரில் இருந்து இறங்கியதும் மொத்த யூனிட்டுமே ஆர்வத்தோடு அவரை நோக்கி திரும்புகின்றன. டேக் எடுத்துக்கொண்டிருக்கும் டைரக்டர்கள்கூட ஓடோடி வந்து அவரை வரவேற்கிறார்கள்.

அந்த அளவுக்கு கவர்ச்சி கோலம்பூண்டு வருகிறார் நயன். அவரது இந்த பளிச்சென்ற கிளாமருக்கு முன்னால் புது வரவு நடிகைகளெல்லாம் காணாமல் போய் விடுகிறார்கள்.

Viswaroopam 5th Week Collections

Viswanath(Kamal) is dance instructor in NewYork city and he is married to Nirupama(Pooja Kumar), she is nuclear oncologist by proffession. Their marriage doesn't run fruitfull, so she hires a private detective to spy on Kamal, to find out any flaws about him which might help her to get divorse. This private detective finds out that Kamal is muslim, which shocks Nirupama. Is Kamal muslim or hindu? what happens to the marriage of Kamal there after? has to be seen on silverscreen.

  Viswaroopam 26th Day Collections is 4.02 Crores
Viswaroopam 27th Day Collections is 5.20 Crores
Viswaroopam 28th Day Collections is 4.90 Crores
Viswaroopam 29th Day Collections is 4.10 Crores
Total Collections is 200.03 Crores

துப்பாக்கி2 கதை ரெடி? முருகதாசுக்கு கால்ஷீட் கொடுத்த விஜய்

முருகதாஸ் துப்பாக்கி 2 ற்கான மூலக்கதையை தயார் பண்ணி விட்டதாகத் தெரிகிறது.

தற்போது இந்தி துப்பாக்கியான பிஸ்டல்லில் முழு மூச்சாக அக்ஷ்ய் குமாருடன் பணியாற்றி வரும் முருகதாஸ் அடுத்த படம் அஜீத்குமாருடன் இணைவதாகத்தான் இருந்தது. ஆனால் பல்வேறு காரணங்களால் அது தற்போதைக்கு நடக்காதென்று தெரிகிறது.

இதனை அடுத்து தயாரான துப்பாக்கி2 கதையை இளையதளபதியிடம் சொல்லியிருக்கிறார். அதனைக் கேட்ட  விஜய் உடனடியாக 2014ல் திகதி கொடுத்து விட்டதாக தெரிகின்றது. விஜய் தற்போது தலைவாவில் நடித்துக்கொண்டிருக்கிறார். அதன் பின்னர் மோகன்லாலுடன் ஜில்லா நடிக்கவிருக்கிறார்.

அனுஷ்கா, ஹன்சிகா கவர்ச்சி போட்டி: சிங்கம்-2

 சூர்யா நடிக்கும் ‘சிங்கம்-2′ படத்தில் அனுஷ்கா, ஹன்சிகா இணைந்து நடிக்கின்றனர். ஏற்கனவே ‘சிங்கம்’ படத்தின் முதல் பாகத்தில் அனுஷ்கா நடித்துள்ளார். எனவே ‘சிங்கம்- 2′ வில் தனக்கு ஹன்சிகாவைவிட அதிக முக்கியத்துவம் இருக்க வேண்டும் என்று வற்புறுத்தியதாக கூறப்படுகிறது. ஹன்சிகாவும் தனக்குத்தான் முக்கியத்துவம் வேண்டும் என்றாராம். இதனால் இருவரையும் வைத்து படத்தை எடுக்க இயக்குனர் ஹரி மிகவும் சிரமப்பட்டாராம்.

இருவரின் போட்டி கவர்ச்சி காட்டுவதிலும் நீடித்ததாம். ஹன்சிகாவுக்கும் அனுஷ்காவுக்கும் தனித்தனி டூயட் பாடல் உள்ளது. ஒருவரைவிட மற்றவர் அதிக கவர்ச்சியாக இருக்க வேண்டும் என்று இப்பாடல்களில் போட்டி போட்டு ஆடை குறைப்பு செய்து ஆடினார்களாம்.

அனுஷ்கா கூறும்போது எனக்குத்தான் கதையில் இயக்குனர் அதிக முக்கியத்துவம் அளித்துள்ளார். இடைவேளைக்கு பிறகு நடிப்புத் திறமையை வெளிக்காட்டும் அளவுக்கு கதை வலுவாக இருந்தது என்றார்.

அஜீத்தின் “Ducati பைக்

 விஷ்ணுவர்த்தன் இயக்கத்தில் அஜீத் நடித்து வரும், “வலை படப்பிடிப்பு மும்பையை தொடர்ந்து, இப்போது துபாயில் நடந்து வருகிறது. மொத்தம், 20 நாட்கள் அங்கு முகாமிட்டு, இரண்டு அதிரடியான சண்டை காட்சிகளை படமாக்குகின்றனர்.

இதில் அஜீத்துக்கு பயிற்சி கொடுக்க, ஹாலிவுட் சண்டை பயிற்சியாளர் ஒருவர் நியமிக்கப்பட்டுள்ளாராம். ஏற்கனவே, பைக் ரேஸ்களில் கலந்து கொண்ட அஜீத்தை, ஒரு சண்டை காட்சியில் “டுகாட்டி என்ற ரக மோட்டார் சைக்கிளை ஓட்டியபடி, சண்டை செய்ய வைத்துள்ளார்களாம். “200 சிசி திறன் கொண்ட அந்த பைக்கை ஓட்டியபடி, அசத்தலாக நடித்தாராம் அஜீத். அவர் ஒரு சிறந்த பைக்ரேஸ் வீரர் என்பதால் மட்டுமே, இதுபோன்ற சண்டை காட்சியில் அவரால் நடிக்க முடிந்தது என்கின்றனர்.

பிரபுதேவா தாளத்திற்கு ஆடப்போகும் கங்னம் ஸ்டைல் புகழ் psy

 டெல்லி: கங்னம் ஸ்டைல் பாடல் மூலம் உலகப் புகழ்பெற்ற தென்கொரிய கலைஞர் பிஎஸ்ஒய் பிரபுதேவாவின் தாளத்திற்கு ஆடவிருக்கிறார். பிரபுதேவா நடித்த 3டி டான்ஸ் படம் ஏபிசிடி. இந்தியில் எடுக்கப்பட்ட இப்படம் தமிழிலும் ரிலீஸானது. டான்ஸை அடிப்படையாக வைத்து எடுக்கப்பட்ட இப்படத்தில் பிரபுதேவாவின் டான்ஸ் திறமை பாராட்டப்பட்டது. 

இந்நிலையில் இப்படத்தின் ரீமேக் உரிமையை வாங்க தென் கொரிய சினிமா தயாரிப்பு நிறுவனம் ஒன்று யுடிவி மோஷன் பிக்சர்ஸுடன் பேசி வருகிறது. கொரிய மொழியில் பிரபுதேவாவின் கதாபாத்திரத்தில் கங்னம் ஸ்டைல் புகழ் பிஎஸ்ஒய் நடிப்பாராம். இது குறித்து யுடிவி தலைவர் சித்தார்த் ராய் கபூர் கூறுகையில், ஏபிசிடியின் உரிமையை வாங்க தென்கொரிய தயாரிப்பு நிறுவனம் ஒன்று எங்களுடன் பேச்சுவார்த்தை நடத்தி வருகிறது. 

இப்போதைக்கு இது குறித்து எதுவும் கூற முடியாது. இப்படத்தின் உரிமையைக் கேட்டு பலர் எங்களை அணுகுகின்றனர். படம் வெற்றி பெற்றதில் மகிழ்ச்சி என்றார்.

நல்ல நேரம், அன்னை ஓர் ஆலயம் படங்களில் நடித்த யானை 'ரதி' மரணம்!

 

சென்னை: எம்ஜிஆர் நடித்த நல்ல நேரம், ரஜினியின் அன்னை ஓர் ஆலயம் படங்களில் நடித்த யானை ரதி மரணமடைந்தது. கடந்த 1942-ம் ஆண்டு முதுமலை வனப்பகுதியில் யானை குழியில் தவறி விழுந்த குட்டி யானை மீட்கப்பட்டு முதுமலைக்கு கொண்டு வரப்பட்டு, அங்குள்ள தெப்பக்காடு வளர்ப்பு முகாமில் வளர்க்கப்பட்டது. பின்னர் அந்த யானைக்கு ரதி என்று பெயர் சூட்டினர். அமரர் எம்.ஜி.ஆர். நடித்த நல்லநேரம், ரஜினிகாந்த் நடித்த அன்னை ஓர் ஆலயம் மற்றும் கன்னடம், இந்தி, மலையாளம் உள்பட 10-க்கும் மேற்பட்ட சினிமாப்படங்களிலும் நடித்துள்ளது. தற்போது இந்த யானைக்கு 81 வயது. இந்த யானை மொத்தம் 13 குட்டிகளை ஈன்றது. இந்த ரதி யானைக்கு முதுமலையின் மூதாட்டி என்ற செல்லப் பெயரும் உண்டு. இந்த யானைக்கு சமீபத்தில் உடல்நலக்குறைவு ஏற்பட்டது. இதனால் படுக்கையில் கிடந்த இந்த யானை சிகிச்சை பலன் அளிக்காமல் புதன்கிழமை மரணமடைந்தது.

 

டோலிவுட்டை பரபரக்க வைத்த அல்லு அர்ஜூன் - அமலா லிப் Kiss...

 

டோலிவுட்டில் இப்போதாய பரபரப்பு அல்லு அர்ஜுடன் அமலா பால் நடத்திய லிப் லாக்-தான். பூரி ஜெகன்னாத் இயக்கும் புதிய படமான 'இத்தரம்மாயிலதோ' படத்தில் அல்லு அர்ஜுனுக்கு ஜோடியாக

 நடித்து வருகிறார் அமலா பால்.

இதில ஒரு படு ஹாட்டான ரொமான்ஸ் காட்சியில் இருவரும் உதட்டோடு உதடு நீண்ட முத்தம் கொடுப்பது போல ஒரு காட்சி இடம்பெற்றுள்ளதாம்.

இந்தக் காட்சியை இங்கு வைத்து படமாக்கினால் பரபரப்பு எகிறிவிடும் என்பதால், ஸ்பெயினில் வைத்து ஷூட் செய்தார்களாம்.

இந்தக் காட்சியில் கெமிஸ்ட்ரி சரியாக ஒர்க் ஆக வேண்டும் என்பதற்காக இருவரும் செட்டில் நீண்ட நேரம் 'பேசி' தங்களைத் தயார்ப்படுத்திக் கொண்டார்களாம்.

அமலா பாலுக்கு முத்தக் காட்சியில் நடிப்பது இது முதல் முறை அல்ல. ஏற்கெனவே ஆர்யாவுக்கு தன் உதடுகளைக் கொடுத்த அனுபவம் உண்டு.

அல்லு அர்ஜுனுடனான இந்த முத்தக் காட்சி ஸ்கிரீன் பற்றிக் கொள்ளும் என்று பரபரக்கிறது தெலுங்கு பத்திரிகையுலகம்!!

 

தலைவா அரசியல் படமா? விஜய் விளக்கம்

 

விஜய் நடித்த துப்பாக்கி படம் 100 நாட்களை தாண்டி ஓடுகிறது. ரூ. 100 கோடிக்கு மேல் வசூல் ஈட்டி உள்ளது.
இந்தியில் கஜினி, 3 இடியட்ஸ், தபாங், ரவுடிரத்தோர், ரெடி படங்கள் ரூ. 100 கோடி வசூலித்து சாதனை படைத்தன. அந்த பட்டியலில் விஜய்யின் துப்பாக்கி படமும் சேர்ந்துள்ளது.

இதுகுறித்து விஜய் அளித்த பேட்டி வருமாறு:-
துப்பாக்கி படத்தின் வசூல் ரூ. 100 கோடி தாண்டி இருப்பது மகிழ்ச்சி அளிக்கிறது. இதற்காக படத்தில் பணியாற்றிய அனைவருக்கும் நன்றி தெரிவித்துக் கொள்கிறேன்.

தியேட்டர்களுக்கு அதிக இளைஞர்கள் வருகை, பெரிய வியாபாரம் மர்டிபிளக்ஸ் தியேட்டர்கள் போன்ற பல காரணங்களால் இது சாத்தியமாகி உள்ளது.

துப்பாக்கி படத்துக்கு மக்கள் அளித்த வரவேற்பினால் எனக்கு பொறுப்பு கூடி இருக்கிறது. இன்னும் நல்ல படங்கள் பண்ணுவேன். நான் நடித்துக் கொண்டிருக்கும் தலைவா படம் அரசியல் படம் அல்ல. அரசியல் சம்பந்தமான காட்சிகள் எதுவும் இல்லை. படம் பார்க்கும்போது தலைவா என்ற தலைப்பு வைத்ததன் நோக்கம் தெரியவரும்.

துப்பாக்கி படப்பிடிப்பில் இருந்தபோதுதான் இயக்குனர் ஏ.எல்.விஜய் தலைவா படத்தின் கதையை சொன்னார். அவர் ஒவ்வொரு காட்சியையும் படமாக்கும் விதம் வித்தியாசமாக உள்ளது. ஒளிப்பதிவாளர் நீரவ்ஷா படத்துக்கு பெரிய ப்ளஸ் காட்சிகளை புதுமையாக உருவாக்குகிறார். படம் சிறப்பாக வந்துள்ளது.
பாசில், ஷங்கர், ஏ.ஆர்.முருகதாஸ் என பெரிய இயக்குனர்கள் படங்களில் நடித்துள்ளேன். நேசன் இயக்கும் ஜில்லா படமும் அந்த வரிசையில் வரும்.

100 நாளைத் தாண்டிய துப்பாக்கி, வெற்றி விழாவை  திட்டமிடும் இளையதளபதி ரசிகர்கள்....

  

துப்பாக்கி படம் 100வது நாளை கொண்டாடி உள்ளது. வசூல் ரீதியாக மட்டும் இல்லாமல், துப்பாக்கி படம் 100வது நாளையும் எட்டியுள்ளதால் இந்த 100வது நாளை ஒரு பெரிய விழாவாக எடுத்து கொண்டாட திட்டமிட்டு இருக்கிறார் தயாரிப்பாளர் கலைப்புலி எஸ்.தாணு.

சுமார் ரூ.70 கோடி செலவில் எடுக்கப்பட்டதாக சொல்லப்பட்ட இப்படம் முதல் இரண்டு வாரத்திலேயே போட்ட பணத்திற்கு மேல் வசூலை அள்ளியது. மேலும் ரூ.200கோடியை வசூலைத் தாண்டும் என்றும் சொல்லப்படுகிறது.சில நாட்களுக்கு முன் நடந்த ஒரு நிகழ்வில் தயாரிப்பாளர் தாணு அதுவரை துப்பாக்கி வசூல் 180கோடியைத் தாண்டியுள்ளதாக சொல்லியுள்ளார்.

ஆரம்பத்தில் தலைப்பு பிரச்சினை, பணப்பிரச்சனை பின்னர் படம் வெளியான பின்னர் இஸ்லாமிய அமைப்புகளின் எதிர்ப்பு என்று பல பிரச்சினைகளை சந்தித்த துப்பாக்கி படம் எதிர்ப்புகளையும் கடந்து சூப்பர்-டூப்பர் ஹிட்டாகியுள்ளது. சென்ற வருடம் விஜய்க்கு நண்பன், துப்பாக்கி என்று இரு மெகா ஹிட் படங்கள் அமைந்ததில் மனுஷன் ரொம்பவே மகிழ்ச்சியாக இருக்கிறார்.

பட வெற்றி அணைத்து தரப்பினரையும் மகிழ்வில் ஆழ்த்தி இருப்பதால் துப்பாக்கி வெற்றி விழா வெகு விமர்சையாக நடக்கப்போகிறது. படத்தில் பணியாற்றிய அனைத்து கலைஞர்களையும் அழைத்து நினைவு பரிசு வழங்க இருக்கிறார்கள்.

கடைசியாக விஜய் நடித்த காவலன்,வேலாயுதம், நண்பன், துப்பாக்கி போன்ற படங்கள் ஹிட் அடித்துள்ளதால் விஜய்யின் இரசிகர்கள் மிகவும் உற்சாகத்தில் இருக்கின்றனர். துப்பாக்கி வெற்றி விழாவை எவ்வாறு வித்தியாசமாகக் கொண்டாடலாம் என்று அவர்கள் ஆலோசித்து வருவதாகவும் சொல்லப்படுகிறது.

இதற்கிடையே தமிழில் ஹிட் அடித்த துப்பாக்கி படத்தை இப்போது ஹிந்தியில் அக்ஷ்ய் குமாரை வைத்து ரீமேக் செய்து வருகிறார் முருகதாஸ். அந்தப் படத்திற்கு அக்ஷ்ய் குமாரின் சம்பளம் மாத்திரம் 50கோடியாம்.

அண்ணா பல்கலைக்கழக மாணவர்கள் கொண்டாடிய துப்பாக்கி 100வது நாள்