மீனவர் தினம் கொண்டாடிய தனுஷ்

 இந்தி, “ராஞ்சனா படத்தில் நடித்துக்கொண்டே பரத்பாலா இயக்கும், “மரியான் படப்பிடிப்பிலும் கலந்துகொண்டு வருகிறார் தனுஷ். இதில் அவருக்கு ஜோடியாக, “பூ பார்வதி நடிக்கிறார். மீனவர்களின் வாழ்வியல் பிரச்னையை அடிப்படையாக கொண்ட படம் என்பதால், ராமேஸ்வரம், குளச்சல், மண்டைக்காடு, குறுப்பனை, முட்டம், கோவளம் என்று கடற்கரையோர பகுதிகளிலேயே, இதன் படப்பிடிப்பு துரிதமாக நடந்துவருகிறது. உலக மீனவர் தினத்தன்று, கோவளம் கடற்கரையில் தனுஷ் – பார்வதி நடித்த காட்சிகள் படமானது. மீனவ இளைஞன் கெட்டப்பில் தனுஷ் நடித்ததைப் பார்க்க, ஏராளமான மீனவர்கள் கூடிவிட்டார்களாம். அந்த காட்சியில் மீன் வலையை பின்னிக்கொண்டு, மீனவர் தினம் கொண்டாடியபடி நடித்துள்ளார் தனுஷ்.