சூர்யாவின் ஆஸ்தான இயக்குனர்களுக்கு குறி வைக்கும் விஜய்......

சூர்யாவின் ஆஸ்தான இயக்குனர்களான கௌதம் மேனன், ஏ.ஆர்.முருகதாஸ், கே.வி.ஆனந்த், ஹரி ஆகியோர் இயக்கத்தில் வந்த அனேக படங்கள் சூப்பர் டூபேர் ஹிட் ஆக்கி துப்பாக்கி வரும் வரையில் இளைய நடிகர்களில் முதலிடத்தில் இருந்தார் சூர்யா. ஆனால் வெற்றி பெற்றாலும் எதிர் பார்த்த வெற்றி பெறாத ஏழாம் அறிவு, மற்றும் சாரசரியான மாற்றான் பாடங்களாலும் துப்பாக்கியின் அதிரடி வெற்றியாலும் இளைய நடிகர்களில் முதலிடத்தை மீண்டும் கைப்பற்றி உள்ளார் விஜய்.

ஏழாம் அறிவு எதிபார்த்த அளவு வெற்றி பெறாததால் தன்னை நிரூபிக்க வெறியோடு காத்திருந்த முருகதாஸ் துப்பாக்கி மூலம் தானையும் நிரூபித்து விஜய்க்கு போக்கிரிக்கு பின்னர் சூப்பர் வெற்றிப்படத்தையும் கொடுத்தார். இப்பொழுது மாற்றானின் சறுக்கலுக்கு பின்னர் தன்னை மீண்டும் நிரூபிக்க வேண்டியுள்ள கே.வி.ஆனந்தை வளைத்துப் போட்டுள்ளனர் விஜய்யும் எஸ்.ஏ.சந்திரசேகரும். மிகச்சிறந்த கதை ஒன்றை தயார் செய்து விட்டு ஒரு மாஸ் ஹீரோவை கே.வி.ஆனந்த் தேடிக் கொண்டிருகிறார் என்ற செய்தி கேட்டவுடன் விஜய் மற்றும் எஸ்.ஏ.சி உடனடியாக அவரது கால்சீட் வைத்திருந்த ஏ.ஜி.எஸ். நிறுவனத்துடன் ஒப்பந்தம் போட்டு விட்டார்கள். இந்தக் கதை சூப்பர்ஸ்டாரை மனதில் வைத்து எழுதப்பட்டது என்று பரபரப்பாக பேசுகிறார்கள். இதனால் சூப்பர்குட் பில்ம்ஸ் தயாரிப்பில் நேசன் இயக்கத்தில் வர இருந்த படத்தை ஒத்திப்போட்டுள்ளார்கள் என கோடம்பாக்கம் கிசுகிசுக்கிறது.

விஜய்யின் அடுத்த குறி அநேகமாக சிங்கத்தில் தவற விட்ட ஹரி என்றும் பேச்சு அடிபடுகிறது. கௌதம்மேனனுடனும் பேச்சு வார்த்தையில் விஜய் தரப்பு இருந்தது குறிப்பிடத்தக்கது.